टोकियो । जापानमा नेपाली समुदायका कार्यक्रम बढेसँगै कार्यक्रमलाई दर्शकसम्म पुर्याउने शैली पनि परिवर्तन हुँदै गएको छ। सूचना मात्र होइन, कार्यक्रमको पहिलो परिचय नै आकर्षक डिजाइन र दृश्य प्रस्तुतिबाट हुने भएकाले ब्यानर, पोस्टर तथा डिजिटल सामग्रीको माग बढ्दो छ। यही आवश्यकतालाई केन्द्रमा राखेर डेस्टिनी क्रिएसन (Destiny Creation) ले आफ्नो सेवा विस्तार गरिरहेको छ।
डेस्टिनी क्रिएसनका सञ्चालक असिम बस्नेत हुन्। जापानमा नेपाली समुदायले आयोजना गर्ने विवाह, पास्नी, जन्मदिन, सांस्कृतिक कार्यक्रम, सामाजिक गतिविधि तथा विभिन्न संस्थागत कार्यक्रमका लागि आवश्यक ब्यानर डिजाइन तथा प्रिन्टिङलाई उनले आफ्नो सेवाको प्रमुख क्षेत्र बनाएका छन्।
‘डिजाइन’ मात्र होइन, कार्यक्रमको पहिचान
एउटा ब्यानरमा कार्यक्रमको नाम, आयोजक, मिति र स्थान राख्नु मात्रै पर्याप्त हुँदैन। त्यसलाई हेर्ने व्यक्तिको ध्यान तान्ने, कार्यक्रमको प्रकृति झल्काउने र आयोजकको पहिचान स्थापित गर्ने गरी डिजाइन गर्नुपर्ने हुन्छ। यही पक्षलाई ध्यानमा राख्दै डेस्टिनी क्रिएसनले ग्राहकको आवश्यकता र कार्यक्रमको स्वरूपअनुसार डिजाइन तयार गर्ने गरेको बस्नेत बताउँछन्।
विशेषगरी जापानमा रहेका नेपालीका कार्यक्रमहरूमा नेपालीपन, आधुनिक डिजाइन र जापानी परिवेशको संयोजन आवश्यक पर्ने भएकाले त्यसलाई मिलाएर सामग्री तयार गर्नु चुनौतीसँगै अवसर पनि रहेको उनको भनाइ छ।
सामाजिक सञ्जालदेखि कार्यक्रमस्थलसम्म
आजको समयमा कार्यक्रमको प्रचार ब्यानरमा मात्र सीमित छैन। फेसबुक, इन्स्टाग्राम तथा अन्य डिजिटल माध्यममा प्रयोग हुने पोस्टर र प्रचार सामग्री पनि उत्तिकै महत्वपूर्ण छन्। त्यसैले डेस्टिनी क्रिएसनले प्रिन्ट सामग्रीसँगै डिजिटल डिजाइनको आवश्यकतालाई समेत ध्यानमा राखेको छ।
जापानमा रहेका नेपालीहरूको संख्या र सामुदायिक गतिविधि बढ्दै जाँदा यस्ता सिर्जनात्मक सेवाको आवश्यकता पनि बढिरहेको देखिन्छ। यही परिवेशमा डेस्टिनी क्रिएसनले गुणस्तरीय डिजाइन, आकर्षक प्रस्तुति र ग्राहकको आवश्यकता अनुसारको सेवालाई आफ्नो प्राथमिकता बनाएको छ।
