काठमाडौं । नवौं राष्ट्रिय खेलकुदअन्तर्गत एथलेटिक्सको फिल्ड इभेन्ट हाइजम्पको महिलातर्फ त्रिभुवन आर्मी क्लबकी खगीता सिंजाली मगरले स्वर्ण जितेकी छन् ।पोखरा रंगशालामा आइतबार बिहान सम्पन्न फाइनल स्पर्धामा १ मिटर ५२ सेन्टिमिटर जम्प गरी खगीताले स्वर्ण जितेकी हुन् ।
१ मिटर ५० सेन्टिमिटर जम्प गरेकी आर्मीकै विन्दू थनेतले रजत जितिन् । गण्डकी प्रदेशकी सीमा श्रेष्ठले कांस्य जितिन् । उनले १ मिटर ४१ सेन्टिमिटर जम्प गरिन् ।साभार अनलाईन खबर
