पोखरा । नवौं राष्ट्रिय खेलकुदअन्तर्गत एथलेटिक्सको ४०० मिटर हर्डल्समा त्रिभुवन आर्मी क्लबकी जयरानी थारुले आफ्नै नाममा रहेको राष्ट्रिय कीर्तिमान सुधार गर्दै स्वर्ण जितेकी छन् ।पोखरा रंगशालामा आइतबार भएको स्पर्धामा जयरानीले निर्धारित दूरी १ मिनेट ०४.१३ सेकेण्डमा पूरा गरिन् ।
गत असारमा काठमाडौंमा भएको ४४औं राष्ट्रिय एथलेटिक्स प्रतियोगितामा जयरानीले १ मिनेट ०७.०२ सेकेण्डको टाइमिङसहित राष्ट्रिय कीर्तिमान बनाएकी थिइन् ।त्यतिबेला उनले ८ वर्ष पुरानो सविता चौधरीको कीर्तिमान तोडेकी थिइन् ।
यो पनि पढ्नुहोस
केशरीलाई पछ्याउँदै जयरानी
एथलेटिक्सको दोस्रो दिन आइनबार हर्डल्सको फाइनल स्पर्धाको तालिका थिएन ।
तर १२ जनाले नाम दर्ता गरेकोमा ५ जनाले फिर्ता लिएपछि सिधै फाइनल खेलाइएको हो ।
यसअघि आइतबार नै पुरुष १० हजार मिटर दौडमा आर्मीका दीपक अधिकारीले स्वर्ण जितिसकेका छन् ।
